وقت الشدايد

وقت الشدايد معادن الرجال بتبان
النفيس والخبيث والصفيح هلكان
زى موج البحر تجيك بالمفيد
تحدف بعيد .. الحلنجى و الألعبان
وقت الشدايد
من غير ما يطلب ولاً يحسب كالمجاهد
الخليل ويــًا خلُه جسر واحد
لجل ريح الشدة ما تمر بيساعد
كريم بطبعه زى شجر الكهرمان
وقت الشدايد
لمصلحته هالل يبتسم ويعـــس
ينافق يطبطب ف الكلام بيرص
واخد ما يدى ف الجد بيه ما تحس
زى ريح بيروح وكأنه ما كان
وقت الشدايد
امتحان وهمًا كام سؤال وبس
عن صبر وتحًِمل والجلد واليأس
تدبل نفوس وتتعب ... ونفس
تشتد عودها وتتقوى بالإيمان