الغربه
2 مشترك
صفحة 1 من اصل 1
الغربه
الغربة دي يا صاحبي لامه
من حلنجى لخالي ذمه
واللي باع في الزحمة أخوه
لحمه سُحت وأكله رِمه
الغربة دي يا صاحبي لامه
ف اللي قلبه سواد بًلك
بالنميمة يدور يُلـــــق
وقت جده يزوغ يٍفـــــك
كُره غيره في شرعه هِـمه
الغربة دي يا صاحبي لامه
النظيف أبو قلب بفتة
الشموع حولينه خافته
عُمله صعبة قليل ما شٌفته
حظه ضايع بس رحمـــــــه
الغربة دي يا صاحبي لامه
زى كومة قش عـــاليـــة
شافوا فيها حاجه غالية
كله واقف كله عـــــافيه
كل صنف وكل أُمــــــه
الغربة دي يا صاحبي لامه
هامُه كُله و بس هووه
بين كـــلامه وصدقُه هٍووه
حلمه يوصل وحده جووه
كدبه لعبة مش مهمة
الغربة دي يا صاحبي لامه
بحر واسع والسفينة
تايها بين شطآن ومينا
صوت بعيد قوى بينادينا
وأما نقرب تيجى ظلمه
الغربة دي يا صاحبي لامه
المدهشه المصريه- عدد المساهمات : 14
نقاط : 39
السٌّمعَة : 1
تاريخ التسجيل : 08/08/2009
صفحة 1 من اصل 1
صلاحيات هذا المنتدى:
لاتستطيع الرد على المواضيع في هذا المنتدى